• салымшыларға бағыт көрсету үшін және олардың инвестициялық жобаларын жүзеге асыру кезінде көмек көрсету үшін жасалатын ақпараттық қызметті орнату. Бұл қызмет төмендегілерден құралады:
-инвестициялық жобамен тікелей байланысты Қазақстан Республикасының заңнамасына қайшы келетін барлық мәселелерді жою бойынша құқықтық көмек көрсету; - лицензия, рұқсат қағаздар алуды ұйымдастыруға, кедендік рәсімдерден өтуде әкімшілік қолдау көрсету;
- қосымша қызмет түрлерін ұсынатын компаниялармен байланыс жасау тізімін қосымша ретінде бере отырып, текстиль маркетингі, көлік, логистика жөніндегі мәліметтерді ұсына отырып, текстиль мен тігін жөніндегі техникалық мәліметтермен қамтамасыз ету бойынша ақпараттық қызмет көрсету;
• сарапшыға көмек көрсету қызметін құру. Бұл сараптама қызметі шетелге шығаруды жеңілдету үшін ғаламтор желісінде ұсынылатын қызмет болуы тиіс және төменде көрсетілгендерді қамтуы тиіс: текстиль өнімдерін шетелден әкелуге сұраныс жөнінде ақпарат ұсыну, текстиль өнімдеріне салық салу, әртүрлі елдердегі тауар айналымы бойынша мәліметтер; импортерлер мен экспортерлермен байланыс орнату мүмкіндігін ұсыну;
• «Оңтүстік» арнайы экономикалық аймағында орналасқан текстиль кәсіпорындарында өндірілген тауарларды өткізу үшін ғаламторда «Оңтүстік» веб-сайтын орнатуды қаржыландыру және оған қолдау көрсету.
• «Оңтүстік» арнайы экономикалық аймағында орналасқан кәсіпорындарға кеңес беру қызметі түрінде қолдау көрсету, ол текстиль кластерін дамытып қана қоймайды, сонымен қатар «Оңтүстік» арнайы экономикалық аймағының әкімшілігі» мемлекеттік мекемесін «Оңтүстік» арнайы экономикалық аймағындағы кәсіпорындардың ары қарай дамуы үшін қажетті барлық бастапқы мәліметтермен қамтамасыз етеді.
• текстиль өндірісі үшін мамандандырылған Дайындық орталығына қолдау көрсету және оны қаржыландыру.

Тауарларды «Оңтүстік» АЭА-ның аумағында мәлімдеу тәртібі
Тауарлар кеден органына мыналарды ұсыну арқылы мәлімдеуге жатады:
1. жүк кедендік мәлімдемесі (қазақстандық тауарлар үшін жеңілдетілген мәлімдеу үлгісі);
2. АЭА-ты құру мақсатына жету үшін мәлімденетін тауарлардың қажеттілігін растайтын құжаттар;
3. таңдалған кедендік режимнің талаптарына сәйкес келетін құжаттарды ұсыну бөлігіндегі Кедендік кодекс арқылы анықталатын басқа құжаттар.

«Оңтүстік» АЭА-ның аумағында еркін кеден аймағының кедендік режимінің ерекшеліктері

• жоғарыда көрсетілген тауарларды АЭА-тан Қазақстан Республикасының кедендік аумағының басқа бөлігіне шығару кезінде кедендік алымдар мен салықтар салынады және мәлімденген кедендік режимнің шарттарына сәйкес тарифтік емес реттеу шаралары қолданылады.
• Қазақстан Республикасының кедендік аумағының басқа бөлігінен АЭА-тың аумағына АЭА-тың шарттары мен талаптарын сақтай отырып қазақстандық тауарларды әкелу кезінде, сонымен қатар АЭА-тың аумағынан Қазақстан Республикасының кедендік аумағының басқа бөлігіне шығару кезінде кедендік алымдар мен салықтар салынбайды және тарифтік емес реттеу шаралары қолданылмайды.
• жоғарыда көрсетілген тауарларды Қазақстан Республикасының кедендік аумағынан тыс жерлерге шығару таңдап алынған кедендік режимнің шарттарына сәйкес жүзеге асырылады;
• арнайы экономикалық аймақтың аумағы (АЭА) Қазақстан Республикасының кедендік заңнамасына сәйкес еркін кедендік аймақтың (ЕКА) жеңілдетілген кедендік режимі әрекет ететін Қазақстан Республикасының кедендік аумағынан тыс жерде орналасқан аумақ ретінде қарастырылады. АЭА-тың шекарасы оның периметрі бойынша арнайы қоршаумен жабдықталады;
• ЕКА-тың кедендік режиміне тауарларды орналастыру АЭА-тың аумағында қызмет ететін салық органында болмаса АЭА-тың аумағындағы әкімшілік басқаруды жүзеге асыруға өкілетті органда Қазақстан Республикасының заңнамасында бекітілген тәртіппен тіркелген тұлғаларға рұқсат етіледі.

«Оңтүстік» АЭА-ның аумағында қайтадан өңделген тауарлар

• «Оңтүстік» АЭА-ның аумағында тауарларды өңдеуден кейін егер өнімдерді өңдеудің шығу тегі тауарлардың шығу тегі жөніндегі сертификатпен (яғни тауардың шығарылған елі Қазақстан Республикасы) бекітілген болса, басқа бөлікке кедендік алымдар мен салықтарды төлеместен шығарылады.

«Оңтүстік» АЭА-ын құру мақсатына жету үшін қажетті тауарлардың тізімі

• жоба-сызба құжаттамаларына сәйкес АЭА-тың аумағында құрылыс жүргізуге және нысандарды іске қосу үшін қажетті машиналар, құрал-жабдықтар, тауарлар мен материалдар;
• тауарларды жеткілікті өңдеу талаптарына сәйкес өңдеуге арналған тауарлар (акциздің салынуына тиесілі тауарлар);
• негізгі қызмет түрлеріне тиесілі өндірісті қамтамасыз ету үшін қажетті машиналар мен механизмдер, құрал-жабдықтар, арнайы мақсаттағы автокөліктер, материалдар, тауарлар және жартылай өңделген тауарлар;
• ғылыми-зерттеу және тәжірибе-конструкциялық жұмыстарды жүргізу үшін және текстиль саласында өндірісті ұйымдастыру үшін қажетті тауарлар мен материалдар.

Тауарлардың номенклатурасын Еуразиялық экономикалық қоғамдастықтың сыртқы экономикалық қызметінің Тауарлық номенклатурасына сәйкес Қазақстан Республикасының Үкіметі бекітеді.